12-14/6 三日兩夜既法國Paris之旅咁就去完喇~真係快~回憶下先~ 星期五果朝一早5點就要搭train落london再搭eurostar~11點幾就到左法國喇~ check完in就開始我地既旅程~食完晏就行去聖心堂~都好高~行左好多樓梯~ 之後去左shopping一陣~去左好多好多名店~差唔多所以出名既brand都入哂去~哈~ 睇完就行去羅浮宮睇下畫同像喇~最緊要梗係睇下蒙羅麗莎啦~最出名嫁wo~ 之後食完夜晚11點幾就番去訓lu~因為第一日大家太早起身都唔夠訓~勁累又行得~ 第二日一早就去左睇日頭既巴黎鐵塔喇~真係好大好靚好宏偉~ 之後就行去聖母院~呢個就冇咩特別~不過真係好多人去睇都~ 睇完就去老佛爺度shopping~~真係好似香港既sogo~~哈哈~勁多人買名牌囉~ shop完就去凱旋門~沿住香謝麗社大道一路行上去~真係好長好長~行好耐~ 附近又有好多唔同既shop~當然又有名牌啦~不過最重要梗係去行下LV係法國既總店啦~ 真係好多人買同埋又靚又大~~真係誇張~當然仲有好貴啦~哈哈 最後終於行到去凱旋門喇~我覺得幾靚~~佢同埋巴黎鐵塔都係係好多度地方好遠都可以望到嫁~ 夜晚番去換件衫抖陣又出過去喇~我地去多次睇夜晚既巴黎鐵塔~ 日頭已經靚~夜晚係更靚囉~而且十個浪漫~~搭正十二點仲加埋燈~好正呀~~~!!! 跟住我地就去體驗下法國既clubbing喇~所以頭先番去換衫囉~哈 我地去飲左陣野跳左陣就走lu~因為第日仲要去shopping~主要都係去見識下ja~都成3,4點先訓~ 最尾一日本來係去shopping嫁~點知原來好多shop~包括名店都係星期日唔開嫁~ 搞到我地冇得買囉~勁失望~之前買得少少~法國人真係好懶~ 所以我地都係周圍行下算lu~最後夜晚差唔多12點先番番黎nottingham~ 呢個旅行幾開心呀我覺得~差唔多去哂paris應該去既名勝~又去左shopping~雖然少~哈 而且我地去之前果幾日落大雨嫁~但係好好彩果地去果幾日勁好天氣~真係熱死~ 仲有對唔住喇大家~冇買手信俾你地~因為真係冇咩$喇~同埋又唔知買咩好~ 唔通又鎖匙扣咩~好無謂ja咁樣~我都係剩係買左野俾自己同爸媽咋~下次啦~ 睇黎都要過多幾年先再有機會去法國嫁喇~下年希望去下其他地方玩啦~ post少少相出黎啦~順哂行程嫁喇~facebook有埋其他~                             
跟住呢d係from我個fd嫁...            
| 
